Kryeministri Edi Rama ka reaguar mbas publikimit të shkresës drejtuar KQZ-së ku pranon mandatin e fituar më 25 prill në Durrës dhe heqjen dorë nga mandati në Vlorë.
Rama thotë se Vlora do i mbetet në zemër dhe nuk do i ndahet ndërsa Durrësi është vendi ku mandati i tretë do sjellë hop të ri.
“Vlora ishte, është dhe do jetë deri në fund në zemrën time, kështu që me mandat pa mandat, unë nga Vlora nuk ndahem as sot as mot, ndërkohë në mendjen time Durrësi është vendi ku Mandati i Tretë duhet të sjellë një hop të ri, jo vetëm për atë qytet po për krejt Shqipërinë2030”-shkruan Rama në Twitter.
