Familja Gushi, katër anëtarët e së cilës ndërruan jetë sot pas aksidentit tragjik në rrugën Fier-Vlorë, jetonte prej 20 vitesh në Greqi.
Familja nga Patosi po shkonin për të kaluar pushimet në Vlorë, në familjen e gruas.
Goditja e fortë nga një mjet “Audi” ka bërë që mjeti “Toyoyta” të dilte nga rruga dhe të përfundonte në një kanal, duke i marrë jetën të katër anëtarëve të familjes Gushi.
Nga aksidenti mbetën të plagosur dhe tre personat që po udhëtonin në mjetin tjetër.
