Avokati i manjatit të softuerit anti-virus John McAfee, i cili u gjet i vdekur në një burg spanjoll të mërkurën ndërsa priste ekstradimin në SHBA, tha se ai nuk pa asnjë shenjë që biznesmeni donte të vriste veten.
Javier Villalba i tha Reuters të Enjten se ai ‘kishte kontakte të vazhdueshme telefonike’ me McAfee dhe ‘në asnjë moment ai nuk kishte treguar ndonjë shqetësim ose të dhënë të veçantë që mund të na linte të mendonim se kjo mund të kishte ndodhur’.
Villalba shtoi se vdekja e McAfee ishte veçanërisht e dhimbshme ‘sepse nuk ishte e justifikuar në asnjë rrethanë që ky njeri të qëndronte në burg’.
McAfee ishte burgosur në Barcelona, Spanjë që nga tetori i vitit të kaluar ndërsa SHBA-ja kërkoi ekstradimin e tij për pretendimin e evazionit fiskal.
McAfee u gjet i vdekur në qelinë e tij vetëm disa orë pasi Gjykata Kombëtare Spanjolle miratoi transferimin e tij në SHBA.
Teoritë e konspiracionit që lidhen me vdekjen e McAfee që nga ajo kohë janë shpërndarë rrufeshëm në mediat sociale, për shkak të deklaratave të mëparshme nga biznesmeni i cili paralajmëroi se nëse ai gjendet i vdekur nga një ‘vetëvrasje’ si ajo e Epstein në të ardhmen, ai ishte ‘i rraskapitur’.
Pak ditë më parë, gruaja e tij, Janice McAfee, publikoi një deklaratë duke pretenduar se qeveria amerikane donte që burri i saj të ‘vdiste në burg’ për ta bërë shembull pasi foli kundër korrupsionit brenda agjencive të tyre qeveritare.
“Nuk ka asnjë shpresë që ai të ketë një gjykim të drejtë në Amerikë sepse nuk ka më drejtësi në Amerikë.” – deklaroi ajo, para se të shtonte se tetë muajt që burri i saj kishte kaluar në burg kishin qenë ‘të vështira për shëndetin e tij të përgjithshëm si mendërisht ashtu edhe fizikisht’.
“Unë nuk kam asgjë. Megjithatë, nuk pendohem për asgjë.” – deklaroi McAfee pak javë më parë.
McAfee përballej me 30 vjet burg në SHBA nëse shpallej fajtor për evazion fiskal.
