Kina ka publikuar të enjten një dokument “për të drejtat e njeriut” duke shfajësuar veten e saj për të gjitha akuzat që i janë bërë për abuzime të të drejtave të njeriut.
Letra e bardhë, e publikuar përmes mediave të shumta të qeverisë në gjuhën angleze, ka 38 faqe dhe i jep kredite Partisë Komuniste për disa arritje si: çrrënjosja e pretenduar e të gjithë varfërisë, amplifikimin e të drejtave të grave dhe eliminimin e “ri- edukimit përmes punës.” Po ashtu siç shkruan Breitbart mburret me ndikimin në rritje të Pekinit në Kombet e Bashkuara dhe vendet e tjera ndërkombëtare.
Ky dokument duket të jetë një përgjigje ndaj dënimit në rritje të sistemit të përhapur të kampit të përqendrimit të Kinës që synon Ujgurët dhe pakicat e tjera etnike në Xinjiang, provinca e saj më e madhe. Të mbijetuarit dhe studiuesit e të drejtave të njeriut kanë denoncuar regjimin për burgosjen e deri në 3 milion ujgurëve, kazakëve dhe të tjerëve në kampe përqendrimi dhe zbatimin e një sistemi të mbikëqyrjes së teknologjisë së lartë për të gjithë të tjerët në Xinjiang. Ndër abuzimet e vërtetuara nga provat janë torturat, përdhunimet në grupe, sterilizim i detyruar, skllavëri dhe testime mjekësore që tregojnë se njerëzve u janë marrë organet pa miratimin e tyre.
Kina mohon të gjitha shkeljet e të drejtave të njeriut dhe u referohet kampeve të saj të përqendrimit si “qendra të formimit profesional”. Ndërsa nuk i mohon akuzat për indoktrinim komunist dhe mësim të detyruar të gjuhës mandarine në kampe, një gjuhë jo amtare në Xinjiang.
Në dokumentin e botuar të Enjten, qeveria kineze duket se adreson në mënyrë indirekte akuzat, duke duartrokitur “përpjekjen e saj të konsiderueshme në arsimin e pakicave etnike” dhe duke pretenduar se mbron vetëm “aktivitetet normale fetare”.
“Kina ka hequr me sukses sistemet e riedukimit përmes punës dhe arsimit të paraburgimit për të mbrojtur më mirë lirinë personale të qytetarëve të saj.” -shtoi gazeta, një përgënjeshtrim i drejtpërdrejtë i pretendimeve për Ujgurët e bllokuar në kampe përqendrimi.
Po ashtu thuhet se Komunizmi “nisi një epokë të re për të drejtat e njerëzve. Ai i dha fund shfrytëzimit, shtypjes dhe skllavërisë që kishte penguar kombin kinez për një shekull dhe nënkuptonte fillimin e përparimit thelbësor në të drejtat e njeriut në një vend socialist nën udhëheqjen e Partisë Komuniste.”
Dokumenti thotë se Partia solli “shpëtimin kombëtar”, por në mënyrë të veçantë harron të kujtojë disa nga vrasjet më të famshme të epokës së Mao Ce Dunit.
