Astronautët e parë që mbërritën në stacionin e ri hapësinor të Kinës kryen shëtitjen e tyre debutuese në hapësirë, duke shënuar vetëm herën e dytë që astronautët e vendit dilnin nga stacioni ndërsa ishin në orbitë.
Tang Hongbo, Nie Haisheng dhe Liu Boming u ankoruan në stacionin hapësinor Tiangong në qershor, duke filluar një qëndrim tre-mujor në hapësirë që përfaqëson misionin më të gjatë të ekuipazhit të Kinës deri më tani.
Të dielën në mëngjes, Liu dhe Tang dolën nga moduli kryesor i stacionit – i pari nga dy shëtitjet hapësinore të planifikuara gjatë misionit të tyre. Një krah mekanik u përdor për të lëvizur një nga astronautët rreth pjesës së jashtme të stacionit, ndërsa një tjetër, i pa ndihmuar, u ngjit përreth pjesës së jashtme të kabinës.
Dalja e tyre jashtë tokësore u transmetua në televizionin kinez, me pamjet që tregonin dy astronautët duke hapur derën e kabinës dhe duke dalë nga moduli. Një aparat fotografik i montuar në përkrenaren e njërit prej astronautëve siguroi gjithashtu një pamje unike të personit të parë qw bwri ecjen hapësinore.
Operacioni nuk ishte vetëm për shfaqje pasi dyshja u largua nga stacioni në mënyrë që të ngrinte kamerën panoramike të montuar jashtë modulit bazë dhe për të provuar aftësitë e krahut robotik. Misioni ishte planifikuar të zgjaste gjashtë ose shtatë orë.
