Shembet në mënyrë të kontrolluar pjesa e mbetur e bllokut të apartamenteve në Miami, ku ndodhi rrëzimi që zuri poshtë qindra njerëz.
Pjesa e mbetur në këmbë e ndërtesës së shembur pjesërisht, u vendos të shkatërrohej e gjitha për shkak të frikës së sigurisë ndërsa një stuhi tropikale po i afrohet Floridas.
Kujtojmë se më 24 qershor, një pjesë e bllokut të apartamenteve u shemb papritmas. Sipas BBC-së njëzet e katër njerëz kanë vdekur dhe 121 janë ende të zhdukur.
Ekipet e kërkim-shpëtimit tani shpresojnë të jenë në gjendje të futen në garazhin nëntokësor të bllokut të apartamentit, në të cilin nuk mund të kenë qasje më të sigurt dhe të marrin një pamje më të qartë të boshllëqeve që mund të ekzistojnë në rrënoja. Asnjë person nuk është nxjerrë i gjallë nga rrënojat që nga orët e para pas shembjes së strukturës.
Operacioni i kërkimit u vu në rrezik, pas shqetësimeve të ngritura në lidhje me Stuhinë Tropikale Elsa, e cila pritet të mbërrijë në Florida të martën. Kryetari i Bashkisë së Miamit, Charles Burkett, tha se ekzistonte rreziku që erërat e forta mund të sjellin me vete mbeturina të tjera, duke vënë në rrezik jetën e ekipeve të shpëtimit.
