Talibanët kanë kapur një zonë tejet të rëndësishme në provincën Kandahar pasi përzunë trupat afgane nga zona, duke shtuar një listë në rritje të fitoreve kundër forcave qeveritare teksa nga vendi po largohen trupat amerikane.
Grupi militant mori rrethin Panjwai pas një beteje të ashpër brenda natës me ushtarë besnikë të Kabulit, raportoi AFP, duke cituar zyrtarë rajonalë. Guvernatori i Qarkut Panjwai, Hasti Mohammad, tha se trupat qeveritare u tërhoqën nga zona pas përplasjeve dhe se Talibanët kishin kapur selinë e policisë së rrethit si dhe ndërtesën e zyrës së guvernatorit. Kreu i Këshillit Krahinor të Kandahar, Sayed Jan Khakriwal, pohoi rënien e Panjëai, por akuzoi forcat afgane për ‘tërheqje të qëllimshme’.
Zona ka parë luftime të rregullta midis Talibanëve dhe forcave afgane prej vitesh, për shkak të afërsisë së tij strategjike të rëndësishme me qytetin Kandahar, kryeqyteti i provincës. Kapja e Panjwai mund të ketë më shumë sesa rëndësi ushtarake për Talibanët, pasi grupi i gjen rrënjët e tij në Kandahar.
Fitimet territoriale të kryengritësve në provincën jugore vijnë vetëm dy ditë pasi forcat e drejtuara nga SHBA u tërhoqën nga një prej nyjeve kryesore ushtarake të koalicionit në vend, Baza Ajrore e Bagram, e vendosur afër Kabulit. Shtetet e Bashkuara kanë përshpejtuar tërheqjen e tyre nga Afganistani në javët e fundit, ndërsa disa aleatë të NATO-s tashmë kanë dalë plotësisht nga kombi i shkatërruar nga lufta.
