Zyrtarët rusë të inteligjencës FSB thanë se arrestuan të martën konsullin e Estonisë në Shën Petersburgut.
FSB akuzoi Mart Latte për marrjen e informacionit të klasifikuar nga një qytetar rus në komentet për mediat ruse.
“Shërbimi Federal i Sigurisë Ruse në Shën Petersburg ka ndaluar një diplomat estonez – konsull i Konsullatës së Përgjithshme të Republikës së Estonisë në Shën Petersburg Mart Lätte – i kapur në flagrancë ndërsa merrte materiale të klasifikuara nga një qytetar rus,” i thanë agjencisë ruse të lajmeve Interfax zyra e Marrëdhënieve me Publikun (CPR), përcjell Deutsche Welle.
“Kjo veprimtari nuk është në përputhje me statusin e një punonjësi diplomatik dhe ka një natyrë të qartë armiqësore ndaj Federatës Ruse. Masat do të merren kundër diplomatit të huaj në përputhje me normat e së drejtës ndërkombëtare“-tha shërbimi special.
Nuk ka pasur asnjë reagim të menjëhershëm nga qeveria Estoneze.
Në prill, shërbimi i sigurisë i FSB-së ruse arrestoi diplomatin ukrainas Alexander Sosonyuk në Shën Petersburg, duke e akuzuar gjithashtu atë për marrjen e informacionit të ndjeshëm nga një shtetas rus. Ai u përjashtua më vonë, duke çuar në një dëbim kokë më kokë me një diplomati rus nga Kyiv.
