Ata që nuk pranojnë të vaksinohen kundër Covid-19 janë duke bërë një mëkat për të cilin do duhet të pendohen për gjithë jetën e tyre. Kjo është sipas Kishës Ortodokse Ruse, zëdhënësi i së cilës tha se refuzimi i vaksinës është egoizëm.
Duke folur për kanalin televiziv Russia 24, kreu i Departamentit të Kishave Ortodokse të Rusisë, Metropoliti Hilarion, shpjegoi se famullitarët e tij pendohen rregullisht tek ai për mosvaksinimin. Ata ndihen fajtorë sepse i kaluan virusin dikujt tjetër që përfundimisht vdiq, pretendoi ai.
“Ata vijnë dhe thonë, ‘Si duhet të jetoj me këtë tani?’ Dhe është e vështirë për mua edhe të them se si të jetoj me të.” – shpjegoi ai.
“Gjatë gjithë jetës tuaj, ju duhet të kompensoni mëkatin që keni bërë. Mëkati është të mendosh për veten tënde në vend që të mendosh për njerëzit e tjerë. Ne jemi përgjegjës, secili prej nesh, jo vetëm për veten tonë dhe jo vetëm për të dashurit tanë, por edhe për të gjithë ata që vijnë në kontakt me ne.” – tha ai.
Në muajt e fundit, Kisha ka qenë më e zëshme në lidhje me mbështetjen e saj për programin e vaksinimit të qeverisë. Metropoliti Hilarion ka folur rregullisht në TV në lidhje me nevojën për të ndjekur rregullat dhe për të marrë masa paraprake për të shmangur infeksionin. Në qershor, kleriku zbuloi ‘qëndrimin e tij pozitiv’ ndaj nismës qeveritare për të imponuar vaksinimin e detyrueshëm për ata që punojnë në sektorin e shërbimeve.
