Një shpërthim i fuqishëm ka ndodhur vonë mbrëmjen e kaluar në një nga portet më të mëdha të botës, në Dubai.
Siç shkruan “Al Jazeera”, shpërthimi ka ndodhur në një anije kontejnerësh në Portin Jebel Ali, më i ngarkuari në Lindjen e Mesme, i cili ndodhet në anën lindore të Gadishullit Arabik.
Autoritetet thonë se situata është nën kontroll.
“Një zjarr i shkaktuar nga një shpërthim brenda një kontenieri në bordin e një anijeje në Portin Jebel Ali është vënë nën kontroll; nuk është raportuar asnjë viktimë.”- tha Zyra e Mediave në Dubai (DMO) në Twitter.
A fire caused by an explosion within a container on board a ship at Jebel Ali Port has been brought under control; no casualities have been reported. pic.twitter.com/iLdS3zEegW
— Dubai Media Office (@DXBMediaOffice) July 7, 2021
Shpërthimi lëshoi një valë shoku nëpër qytet, duke tundur ndërtesa dhe dritare në lagje deri në 25 kilometra larg nga porti. Të paktën tre banorë në zonën e shpërthimit, shkaku i së cilës mbetet i panjohur, raportuan që dritaret dhe dyert në shtëpitë e tyre u tronditën si rezultat i incidentit.
Nuk kishte raporte të menjëhershme të viktimave në port, i cili është gjithashtu porti më i ngarkuar i thirrjes për anijet luftarake amerikane jashtë SHBA-ve.
Herët të enjten, qeveria e Dubait lëshoi një deklaratë duke thënë se shërbimet e urgjencës kishin vënë flakën nën kontroll. Autoritetet postuan pamje në mediat sociale të zjarrfikësve që po shuanin flakët nga kontejnerët gjigantë të transportit.
Shkalla e dëmit të shkaktuar në port dhe ngarkesën përreth nuk është e qartë. Shkaku i zjarrit gjithashtu nuk dihet ende.
Zyrtarët e portit thanë se ata ishin “duke marrë të gjitha masat e nevojshme për t’u siguruar që lëvizja normale e anijeve të vazhdojë pa ndonjë ndërprerje”.
Mona al-Marri, drejtori i përgjithshëm i DMO, tha se ky incident “mund të ndodhë kudo në botë” dhe se zyra e komunikimit e qeverisë punoi për të lëshuar deklarata shpejt për të shmangur përhapjen e thashethemeve ndërkohë që shkaku i zjarrit po hetohet”.
Zyra tha që anija, po përgatitej të ankorohej “larg linjës kryesore të transportit të portit“.
