Talibanët thanë se ata kanë kapur plotësisht Islam Qala, një qytet kufitar në provincën perëndimore Herat përmes të cilit rrjedh tregtia fitimprurëse me Iranin fqinj. Zyrtarët afganë atje thuhet se ikën në Iran për siguri.
“Islam Qala tani është nën kontrollin tonë të plotë dhe ne do të përpiqemi ta vendosim përsëri në veprim sot.” – i tha AFP-sw, Zabihullah Mujahid, një zëdhënës i lëvizjes militante.
Të enjten, një zyrtar anonim afgan i tha AP se Talibanët morën doganat në pikën e kalimit. Videot e filmiara kinse në vendin e ngjarjes dukej se pohonin kapjen e vendndodhjes së rëndësishme strategjike.
Talibanët thanë se morën kontrollin e qytetit që nga e enjtja në mbrëmje. Zyrtarët besnikë të qeverisë qendrore në Kabul thuhet se u larguan në territorin iranian.
Irani është një furnizues i madh i mallrave në Afganistan, me eksporte që arritën rreth 2 miliardw dollarë vitin e kaluar. Një pjesë e madhe e tregtisë kalon përmes rrugës Dogharoon-Islam Qala, e cila në veçanti shërben si një qendër kryesore për importin e karburantit, thuhet gjithashtu përmes operacioneve të kontrabandës.
Luftëtarët talebanë kanë kapur me shpejtësi më shumë territor në Afganistan kohët e fundit, shpesh me pak rezistencë nga forcat qeveritare. Militantët morën kalimet kufitare me Taxhikistanin dhe Uzbekistanin javën e kaluar.
Përparimi vjen mes tërheqjes së vazhdueshme të trupave të huaja të drejtuara nga NATO nga vendi. SHBA-ja, forca kryesore në përpjekjen dy dekadëshe për të mbështetur qeverinë në Kabul, dëshiron të përfundojë tërheqjen e saj deri në fund të gushtit, ndërsa shumë anëtarë të tjerë të koalicionit tashmë janë larguar plotësisht nga Afganistani.
