Kompania Pfizer pretendon se imuniteti që ofron vaksina e saj kundër Covid-19 tashmë po zbehet – dhe kërkon një raund të tretë të dozave.
Pfizer dëshiron që njerëzit e vaksinuar, ta marrin dozën e tretë gjashtë muaj pas dozës së dytë.
Siç shkruan Daily Mail, gjigandi amerikan i farmaceutikës dhe firma gjermane BioNTech me të cilën është partnerizuar do t’u kërkojnë rregullatorëve amerikanë dhe evropianë të miratojnë një dozë plotësuese brenda javësh.
Ata pretendojnë se të dhënat nga Izraeli kanë treguar efikasiteti i vaksinës në parandalimin e infeksionit dhe sëmundja simptomatike ka rënë gjashtë muaj pas vaksinimit.
“Siç shihet në provat e botës reale të lëshuar nga Ministria e Shëndetësisë e Izraelit, efikasiteti i vaksinës ka rënë gjashtë muaj pas vaksinimit, në të njëjtën kohë që varianti Delta po bëhet varianti dominues në vend.”- thanë kompanitë në një deklaratë me shkrim.
Të dhënat treguan se vaksina ende ofronte mbrojtje të konsiderueshme kundër sëmundjeve të rënda, por efikasiteti kundër sëmundjeve simptomatike ra për shkak të varianteve.
“Kjo është arsyeja pse ne kemi thënë dhe ne vazhdojmë të besojmë se ka të ngjarë, bazuar në tërësinë e të dhënave që kemi deri më sot, që një dozë e tretë mund të jetë e nevojshme brenda gjashtë deri në 12 muaj pas vaksinimit të plotë.”- thuhet më tej në deklaratë .
Ndërkohë, provat shkencore të dozës së tij përforcuese tregojnë se mund të gjenerojë deri në 10 herë më shumë antitrupa neutralizues sesa vetëm dy doza, thonë Pfizer dhe BioNTech.
Por studiuesit e përkushtuar për studimin e pandemisë kanë paralajmëruar në mënyrë të përsëritur se aktualisht nuk ka prova thelbësore që madje nevojitet edhe një dozë e tretë.
Duke u përpjekur të minimizojnë frikën, Qendrat Amerikane për Kontrollin dhe Parandalimin e Sëmundjeve (CDC) thanë dje se amerikanët plotësisht të vaksinuar nuk kanë nevojë për një dozë përforcuese ende. Por CEO-ja i Pfizer, Albert Bourla ka pohuar vazhdimisht se ai beson se njerëzit do të kenë nevojë për një dozë të tretë, dhe madje ka sugjeruar që vaksina të bëhet vjetore si e gripit.
