Australia ka raportuar vdekjen e parë të shkaktuar nga koronavirusi për këtë vit.
Autoritetet thanë se një grua, në të 90-at e saj, vdiq në Sidnei. Ajo ishte infektuar me virusin në një mjedis familjar.
Uellsi i Ri Jugor raportoi 77 raste të reja të dielën. Tani janë 52 persona në spital, me 15 në kujdes intensiv.
Sidnei aktualisht është në karantinë, ndërsa qyteti më i madh i Australisë lufton për të përmbajtur variantin shumë të transmetueshëm Delta të virusit.
Kryeministri i Uellsit të Ri Jugor Gladys Berejiklian paralajmëroi se numri i infeksioneve të reja ditore do të rritet më tej të hënën.
Australia ka regjistruar 911 vdekje dhe më shumë se 31,000 raste që nga fillimi i pandemisë.
