Bota duhet ta mbajë Izraelin përgjegjës për politikën e tij të vazhdueshme të vendosjes në territoret e okupuara palestineze, ka thënë një raportues i Kombeve të Bashkuara për të drejtat e njeriut, duke provokuar kritika nga zyrtarët dhe aktivistët hebrenj.
“Izraelit nuk mund të lejohet më të vazhdojë me politikën e tij të vendosjes në Bregun Perëndimor të pushtuar dhe Jeruzalemin Lindor pa u ndëshkuar.” – tha Michael Lynk, një raportues special i Kombeve të Bashkuara për të drejtat e njeriut.
Një praktikë e tillë është në kundërshtim me normën ndërkombëtare që ndalon një fuqi pushtuese të transferojë një pjesë të popullsisë së saj në një territor të pushtuar, tha Lynk, duke shtuar se vendbanimet izraelite shkelin Konventën e Katërt të Gjenevës dhe Statutin e Romës.
“Në raportin tim, unë arrij në përfundimin se vendbanimet izraelite në të vërtetë përbëjnë një krim lufte.” – tha raportuesi special, duke shtuar se komuniteti ndërkombëtar që deri më tani ka qenë ‘ngurrues’ për të zbatuar normat ndërkombëtare në këtë drejtim dhe nuk duhet të qëndrojë më duarlidhur përballë kësaj shkeljeje të vazhdueshme.
Vendbanimet ‘garantojnë që territori i pushtuar do të mbetet nën kontrollin e Izraelit në përjetësi’ dhe de-facto bllokojnë rrugën për krijimin e një ‘shteti të vërtetë Palestinez’. shtoi Lynk.
Raporti i reporterit special provokoi një reagim të ashpër nga misioni izraelit në Kombet e Bashkuara në Gjenevë. Diplomatët izraelitë hodhën poshtë gjetjet e tij duke i quajtur ‘raporti i radhës i njëanshëm kundër Izraelit’.
Ata gjithashtu theksuan faktin se ai kurrë nuk përmendi ndonjë shkelje të kryer në territoret palestineze nga autoritetet palestineze ose grupi militant Hamas që de-facto sundon mbi Rripin e Gazës.
Komuniteti i kolonëve izraelitë gjithashtu dënoi raportin. Yishai Fleisher, një zëdhënës ndërkombëtar i Komunitetit Hebre të Hebronit – një qytet në Bregun Perëndimor të okupuar – e kritikoi Lynk si një ‘hajdut të identitetit kombëtar’.
Populli hebre ‘është indigjen në Judea’ dhe identiteti i tij ‘është i lidhur me këtë tokë’, tha Fleisher për Fox Neës, duke përdorur emrin historik të një zone që përfshin pjesën jugore të Izraelit dhe një pjesë të Bregut Perëndimor të pushtuar. Ai gjithashtu akuzoi raportuesin special të Kombeve të Bashkuara, i cili është gjithashtu një ekspert ligjor kanadez, për kryerjen e ‘krimeve të luftës’ duke u mohuar hebrenjve historinë e tyre.
Vendbanimet izraelite në Bregun Perëndimor të pushtuarshihen si të paligjshme nga Këshilli i Sigurimit i OKB-së, Asambleja e Përgjithshme e OKB-së, Këshilli i KB për të Drejtat e Njeriut dhe Gjykata Ndërkombëtare e Drejtësisë, si dhe nga shumë organizata dhe kombe të tjera ndërkombëtare. Izraeli kundërshton qasjen e tyre, duke theksuar lidhjet e tij biblike dhe historike me tokën, si dhe nevojat e sigurisë.
Aktualisht, ka rreth 300 vendbanime në Jeruzalemin Lindor të pushtuar dhe Bregun Perëndimor, duke strehuar më shumë se 680,000 kolonë izraelitë, sipas raportit të Lynk.
