Disa media perëndimore kanë përdorur nmënyrë të gabuar një foto që tregon një tubim proqeveritar në Kubë, duke e treguar atë si një protestë të opozitës, ndërsa CNN në vend të kësaj zgjodhi një pamje të një demonstrate në Miami.
Kapur nga fotografja e Associated Press, Eliana Aponte, gjatë një demonstrate në mbështetje të qeverisë në kryeqytetin kuban javën e shkuar, fotografia ka bërë xhiron në shtypin e mediave perëndimore ndërsa trazirat kanë mbërthyer vendin e Karaibeve.
Sidoqoftë, media të shumta e kanë përshkruar gabimisht pamjen si një ‘protestë antiqeveritare’, përfshirë Guardian, Fox News, Financial Times, Neë York Times, Washington Times dhe Voice of America, kjo e fundit e financuar nga qeveria e SHBA-së.
Gazetari i GrayZone Ben Norton dhe Alan MacLeod i MintPress News ishin ndër të parët që vunë në dukje gabimin, duke ndarë pamjet e shkëputura nga mediat në fjalë.
Të dy gazetarët theksuan flamujt kuqezi të ngritur nga demonstruesit në foto, të cilat lexonin “26 Julio”, një referencë për lëvizjen e 26 korrikut të Fidel Castros. Pamja e AP nuk është fotoja e vetme që paraqitet keq në mbulimin e mediave perëndimore. Në faqen e saj në Instagram,
CNN gjithashtu nënkuptoi fuqimisht se një foto tjetër që tregonte protestues kubanezë, me diçiturën “Mijëra kubanezë protestuan për mungesën e ushqimit dhe ilaçeve”. Pamja në fjalë u mor nga një fotograf i AFP dhe një kërkim përmes galerisë së fotove të agjencisë tregon që tubimi u mbajt në të vërtetë në Miami, Florida. CNN duket se ka hequr pjesën e parë të titullit AFP, që bënte të qartë që protesta ishte e bazuar në SHBA e jo Kubë.
Përgatiti për Hashtag.al, Klodian Manjani
