Duke folur në radion shtetërore të vendit të tij të premten, kryeministri i Hungarisë Viktor Orban denoncoi veprimin e Komisionit Evropian kundër ligjit të propagandës LGBT të qeverisë së tij si ‘huliganizëm të legalizuar’.
Dënimi i veprimtarisë së Bashkimit Evropian vjen pasi Komisioni Europian filloi veprimet ligjore kundër Hungarisë, duke pretenduar se një ligj i sapo prezantuar, që ndalon promovimin e homoseksualitetit në shkollat e Hungarisë, diskriminon individët LGBT.
Orban sulmoi ashpër qëndrimin e Komisionit Evropian si ‘të turpshëm’, duke deklaruar se veprimi që po ndërmerret kundër qeverisë së tij është ‘huliganizëm i legalizuar’. Duke mbrojtur veprimet e administratës së tij, udhëheqësi hungarez ripohoi se aktivistët LGBT do të ndaloheshin të lejoheshin të ‘marshonin lart e poshtë’ ose të promovonin propagandën seksuale në shkolla.
Nëse veprimi ligjor i BE-së është i suksesshëm, fondet e ndara për rimëkëmbjen e Hungarisë pas Covid-19 nën buxhetin e bllokut mund të rrezikohen. Më parë në korrik, eurodeputetët në komitetin e kontrollit të buxhetit të parlamentit të BE-së bënë thirrje që pagesat ndaj Hungarisë të ndaleshin për ‘shkelje të mëdha të sundimit të ligjit’, duke përmendur shqetësime në lidhje me diskriminimin anti-LGBT.
Pak ditë më parë, presidentja e Komisionit Evropian, Ursula von der Leyen, i quajti veprimet e Hungarisë një ‘turp’ që ‘cenon vlerat dhe identitetin tonë’.
BE ka përdorur më parë fuqinë e saj për të goditur veprimin e Polonisë për krijimin e zonave ‘pa LGBT’ nga autoritetet lokale brenda vendit. Më shumë se 100 vendndodhje në të gjithë Poloninë kanë deklaruar se ato janë ‘pa LGBT’ në atë që blloku Evropian e deklaroi një ‘shkelje të traktateve të BE’-së.
