Fracesco Becchetti ka vendosur që vendimin e Gjykatës Ndërkombëtare të Arbitrazhit, kundër Shqipërisë ta bëjë frazë për të reklamuar ueb sajtin e tij personal.
Banderola reklamuese është shfaqur në Romë në Piazza Di Spagnia.
“Unë quhem Francesco Becchetti. Unë kam luftuar kundër persekutimit politik të të paktën një qeverie. Unë fitova!”-thuhet në poster.
Ndërsa në ueb sajtin e tij personal, Becchetti ka publikuar një pjesë nga vendimi i Gjykatës Ndërkombëtare e cila shpjegon arsyet pse ai fitoi gjyqin kundër Shqipërisë pasi u mbyll televizioni Aon Channel.
Shpjegimi në ueb:
Më 24 Prill 2019, Gjykata Ndërkombëtare ICSID, e Bankës Botërore, një organ përgjegjës për zgjidhjen e mosmarrëveshjeve midis shteteve dhe investitorëve të huaj, lëshoi njëzëri një vendim të arbitrazhit, konfirmuar unanimisht nga Komiteti ICSID më 2 Prill 2021, i cili konstaton se paligjshmëria e veprimeve të ndërmarra nga autoritetet shqiptare kundër Francesco Becchetti dhe grupit të tij të biznesit, në shkelje të hapur të ligjit ndërkombëtar.
Vendimi i Arbitrazhit në veçanti përfundon duke deklaruar:
se vendimet në lidhje me kapjen e Agon Channel TV të lëshuar nga Gjykata e Tiranës ishin kulmi i një fushate politike të kryer nga Shqipëria përmes përdorimit të paligjshëm të kompetencave të saj policore kundër Francesco Becchetti dhe të tjerëve;
se hetimet penale, të nisura nga Prokuroria e Tiranës kundër Agon Channel, ishin një ndërhyrje e qëllimshme në veprimtarinë e Agon Channel, motivuar nga kritikat e Agon Channel ndaj qeverisë Rama;
se Sekretari i Përgjithshëm i Kryeministrit Rama (E.A.) deklaroi se nëse Francesco Becchetti donte të kuptonte pse investimet e tij ishin nën hetim ai do të duhej të kishte biseduar me një nga konkurrentët dhe se nuk ishte një ide e mirë për të kundërshtuar shtetin;
se kishte të meta thelbësore në bazë të akuzave mbi të cilat ishin bazuar hetimet penale;
se investimet e Francesco Becchetti ishin shpronësuar në kundërshtim me nenin 5 të Traktatit Bilateral për Promovimin dhe Mbrojtjen e Investimeve midis Itali – Shqipëri.
