Një gjyqtare në Tiranë është kërcënuar nga një 39-vjeçar. Incidenti sipas “Balkanweb” ka ndodhur në zonën e “Komunës së Parisit” në kryeqytet.
Lidhur me ngjarjen, Policia ka vënë në pranga shtetasin Andri Leka, lindur në Durrës dhe banues në Tiranë. Ai akuzohet për veprën penale “Kanosje e gjyqtarit”. Megjithatë nuk dihet ende se kush është gjyqtarja që ka rënë pre e kërcënimit.
Në videon e mëposhtme të publikuar nga LSA, i dyshuari Andri Leka shihet i shtrirë përtokë nga forcat e policisë.
