“Unë e di se njerëz cinikë dhe shpotitës ka gjithmonë po ne e marrim shumë seriozisht”, tha mes të tjerash kryebashkiaku i Tiranës Erion Veliaj, teksa në sfond kishte autobusë në ngjyrë të blertë, të cilat i emërtoi si hibridë.
Mes dronësh, lidhjesh live, njerëzish të ulur në karrige dhe autobusësh pozicionuar me saktësi centimetrike, Veliaj mbajti fjalën e tij.
Para se të fliste nuk harroi të futej brenda “hibridëve” të tij, teksa na ofroi pamje “relaksuese”.
Këto pamje nuk shihen nga pasagjerët e urbanëve në Tiranë, të cilët zakonisht ankohen për vonesa, mungesë kondicionimi apo makinacionet me abonetë.
