Kryeministri Edi Rama dhe Furkan Saliu
Gazetari i TV21 në Maqedoninë e Veriut Furkan Saliu duke ndjekur samitin e Shkupit në kuadër të marrëveshjes “Open Balkan” është përplasur me kryeministrin e Shqipërisë, Edi Rama.
Përplasja rrëfehet nga vetë gazetari i cili ka zbardhur në profilin e tij në rrjetet sociale edhe shkëmbimin e replikave që ka pasur me kreun e qeverisë shqiptare.
Nga video që gazetari i TV21 ka postuar duket se ka pasur një përplasje me Kryeministrin Rama.
Saliu pretendon se kryeministri Rama e ka quajtur atë një injorant.
Sipas gazetarit përplasja me kryeminsitrin e shqipërisë nisi pasi gjatë konferencës për media Saliu i kishte thënë se “Open Balkan” do jetë një minijugosllavi pa liri të shprehej që sipas tij mund të ketë bërë që Rama të preket.
Biseda:
Rama: Ti je një injorant!
F.S: Injorant Gashi?
Rama: Çfarë rinie jeni ju? Injorantë!
F.S: Nuk e di se a unë jam injorant apo ju arrogant?
Rama: Pse arrogant? Po e them të vërtetën, je injorant!
F.S: Ju ekspert injorantes, i njihni në shikim të parë, me shumë gjasa jeni të rrethuar me injorantë
Afrohen gazetarët, fillojnë të interesohen se për çfarë po flasim dhe Rama e ngrit zërin…
Rama: Nëse do intervistë ekskluzive..?
F.S: Jo faleminderit
Rama sot gjatë deklaratës në kuadër të Samitit të Shkupit ku u firmosën tre marrëveshje që pretendohet se do lehtësojnë tregtinë nuk la pa thumbuar edhe Kryeminsitrin Kurti i cili e quajti këtë nismë pa vizion.
Në këtë nismë deri më tani kanë pranuar të marrin pjesë vetëm Serbia, Maqedonia e Veriut dhe Shqipëria duke e ndarë në gjysmë nocionin gjepolitik të Ballkanit Perëndimor./Hashtag.al
