Presidenti Joe Biden ka rritur numrin e trupave amerikane që shkojnë në Afganistan në 5,000 dhe ka paralajmëruar talibanët për një përgjigje ‘të shpejtë dhe të fortë’ nëse interesat amerikane sulmohen gjatë tërheqjes së vazhdueshme të SHBA-së.
Në një deklaratë të lëshuar nga Shtëpia e Bardhë të shtunën pasdite, Biden zbuloi se ai kishte urdhëruar afërsisht 5,000 trupa amerikane në Afganistan për të siguruar një ‘tërheqje të rregullt dhe të sigurt të personelit amerikan’.
Disa ditë më parë administrata e tij angazhoi rreth 3,000 trupa për këtë qëllim, pasi Departamenti i Shtetit nisi evakuimin e stafit në Ambasadën Amerikane në Kabul dhe u bëri thirrje të gjithë amerikanëve në vendin e shkatërruar nga lufta të largoheshin menjëherë.
Biden gjithashtu deklaroi se ai paralajmëroi udhëheqësit talibanë që merrnin pjesë në bisedimet e paqes në Katar se çdo veprim ‘që vë në rrezik personelin amerikan ose misionin tonë atje, do të përballet me një përgjigje të shpejtë dhe të fortë ushtarake amerikane’.
Ndërsa Biden lëshoi paralajmërimin, militantët talibanë nisën sulmin në Kabul pas një përparimi të shpejtë ditët e fundit. Brenda kryeqytetit, Presidenti i mbështetur nga SHBA Ashraf Ghani ka refuzuar ende të dorëzohet ndaj talbanëve, edhe pse trupat dhe komandantët luftarakë besnikë të tij kanë rënë
