Bregu i Fildishtë ka shpallur shpërthimin e virusit Ebola pasi zbuloi rastin e parë pas më shumë se dy dhjetëvjeçarësh teksa Organiza Botërore e Shëndetit dha alarmin për përhapjen e tij të mundshme.
Një pacient që kishte udhëtuar kohët e fundit nga Guinea rezultoi pozitiv me Ebola, konfirmoi Ministria e Shëndetësisë e Bregut të Fildishtë të shtunën, raportoi OBSH. Pacienti u shtrua në spital me ethe pasi mbërriti në Abidjan, kryeqyteti ‘de facto’ i vendit dhe qyteti i tij më i madh.
“Është shqetësim i madh që ky shpërthim ka ndodhur në Abidjan, një metropol me më shumë se katër milionë njerëz,” tha Dr Matshidiso Moeti, drejtor rajonal i OBSH-së për Afrikën në një deklaratë.
Rasti është i pari që nga viti 1994, kur një etnolog u infektua me virusin pasi kreu një nekropsi mbi një shimpanze të sëmurë. Bregu i Fildishtë u kursye gjatë epidemisë Ebola të Afrikës Perëndimore 2014-2016 që filloi në Guinea dhe mori të paktën 11,325 jetë, me raste të raportuara në SHBA dhe Britani.
Që atëherë, një sërë shpërthimesh të Ebola janë raportuar, veçanërisht në Republikën Demokratike të Kongos, e cila përjetoi shpërthimin e saj të katërt në më pak se tre vjet më parë në maj.
Sidoqoftë, Guinea raportoi shpërthimin e saj të parë të sëmundjes që nga epidemia vetëm në shkurt të këtij viti, duke ndezur frikën e përsëritur në lidhje me një përsëritje të mundshme të skenarit 2014-2016. Në mars, OBSH vlerësoi rrezikun që shpërthimi i Ebolas të përhapet në vendet fqinje, përfshirë Bregun e Fildishtë, si ‘shumë të lartë’.
