Kryebashkiaku i Vlorës, Dritan Leli është prekur nga Covid-19.
Njoftimin e ka bërë vetë Leli me një postim në rrjetet sociale ku bën edhe një dedikim për të vëllanë, Edi Leli, i cili ndërroi jetë për shkak të një sëmundjeje të rëndë një javë më parë.
Kryebashkiaku i qytetit bregdetar njofton se nuk do jetë i pranishëm në festën e përvitshme të Kuçit,.
“Është hera e parë që Festës së Kuçit, takimit të përvitshëm të brezave, i mungon Edi. I mungon fizikisht sepse, për të gjithë, është si të ishte aty. Janë mbledhur sot pa Edin, por janë mbledhur për Edin, për shpirtin dhe themeluesin e këtyre takimeve që vitet e kthyen në traditë. Edi ishte energjia e çdo feste, kudo ku ishte i pranishëm. Tani, të gjitha takimeve, u mungon pjesa më e mirë, entuziazmi i pakursyer dhe bujaria e tij. U jam falenderues miqve të tij, miqve tanë, organizatorëve dhe gjithë kuçjotëve që janë mbledhur sot për ta kujtuar, për të jetuar këto orë me historitë e Edit, me të qeshurën e tij ngjitëse që njësoj siç shpërndahej çdo ditë në Vlorë, për vite me radhë, në fund të gushtit, udhëtonte gjithnjë në Kuç. Më vjen keq që për shkak të ditëve që duhet të qëndroj i izoluar prej Covidit, nuk mund të jem i pranishëm, por mendimet për Edin na bëjnë njësoj bashkë! Kujtojeni Edin, gjithmonë, ashtu siç ishte kur ju bëri bashkë dhe ashtu siç jetoi deri në fund, me vrrullin e ëndrrave në të cilat besonte. Kjo festë është e kuçjotëve dhe e Kuçit! Gëzuar!” – shkruan Leli në Facebook.
