India po planifikon të fitojë rreth 81 miliardë dollarë nga shitja e shtetërore përgjatë katër viteve të ardhshme për të rritur rritjen dhe shpenzimet e infrastrukturës në ekonominë e pestë më të madhe në botë.
Sipas programit shtetëror të përfshirë në planin e tanishëm të buxhetit, Neë Delhi synon t’i japë asete të tilla si rrugë, stacione hekurudhore, depo dhe gazsjellës, sektorit privat me qira afatgjatë.
Masa pritet të tërheqë mbi 25 miliardë dollarë nga sektori i rrugëve, 20.4 miliardë dollarë nga asetet hekurudhore, rreth 6 miliardë dollarë nga linjat e transmetimit të energjisë, 5.4 miliardë dollarë nga asetet e gazit natyror dhe 5.3 miliardë dollarë nga projektet e telekomunikacionit.
Plani i fitimit të parave do të shërbejë si një udhërrëfyes afatmesëm për nismën e qeverisë për shitjen e aseteve. Të ardhurat e parashikuara nga shitjet e aseteve thuhet se do të ndihmojnë në ngushtimin e deficitit buxhetor, i cili pritet të arrijë në 6.8% të prodhimit të brendshëm bruto në vitin financiar që filloi më 1 Prill, nga 9.3% në vitin e kaluar.
