Protestuesit janë mbledhur në Londrën qendrore në një demonstrim kundër planeve të vazhdueshme të qeverisë për të futur të ashtuquajturat pasaporta vaksine. Megjithëse u injoruan kryesisht nga media, thuhet se në protesta morën pjesë mijëra persona.
Policia Metropolitane e Londrës raportoi bllokime të rrugëve dhe vonesa të autobusëve përgjatë itinerarit të protestës dhe oficerët mbetën në afërsi të marshuesve gjatë gjithë kohës.
Pamjet video treguan një turmë të dendur njerëzish të pranishëm. Disa tundnin pankarta fetare, disa mbanin pankarta që kundërshtonin vaksinimin dhe të tjerë kërkonin që qeveria të hiqte dorë nga planet e saj për të kërkuar që klientët e vendeve të caktuara të vaksinoheshin kundër Covid-19.
Nuk ka asnjë vlerësim zyrtar të madhësisë së turmës, por protestuesit që postuan në mediat sociale pohuan se ‘duket sikur mijëra’ morën pjesë.
Deri të shtunën pasdite, asnjë media kryesore britanike nuk kishte raportuar për protestën. Njëkohësisht u zhvillua një tubim nga grupi kundër ndryshimeve klimatike ‘Extinction Rebellion’, të cilët kanë organizuar një javë demonstrata të drejtpërdrejta në qytet, duke kapur titujt e gazetave çdo ditë.
Përgatiti për Hashtag.al, Klodian Manjani
