Një pilote ka shprehur lehtësimin e saj pasi doli nga spitali pas një aksidenti të rëndë mes gjashtë shofereve femra gjatë një gare në Formula 2, ku një pilot humbi jetën në një aksident dy vite më parë.
Pilotet e Serisë W, Ayla Agren dhe Beitske Visser, u shtruan në spital pasi dy makina fillimisht goditën një barrierë në Çmimin e Madh të Belgjikës, të mbajtur në Spa-Francorchamps, para se një tjetër të përplasej me to me shpejtësi të madhe.
Këndi ‘Eau Rouge’ ku ndodhi përplasja shqetësuese njihet si një nga më të vështirët në sport, ku shoferi 22-vjeçar i Formula 2, Anthoine Hubert, vdiq pas një aksidenti në vitin 2019.
Dy nga pilotet e tjera të përfshira në aksident, Sarah Moore dhe Abbie Eaton, fillimisht humbën kontrollin dhe u përplasën me barrierat e më pas u përplasën me Visser, Agren dhe Marta Garcia.
Pilotja belge Visser kishte nevojë për një skaner të trurit por më vonë u nxorr nga spitali bashkë me piloten tjetër belge, Agren. Katër rivalet e tyre të përfshira në aksident u vlerësuan nga mjekët, por thanë se ishin të padëmtuara.
