Prefektura Okinava ka ndaluar vaksinimet Moderna pasi materiale të panjohura u gjetën në një shishe vaksine. Ky veprim vjen pasi Japonia tërhoqi 1.6 milion doza Moderna nga një seri e ndryshme për shqetësimet e ndotjes.
Substancat e zeza u zbuluan në shiringa dhe një shishe, ndërsa substanca rozë të paidentifikuara u vunë re në një shiringë të ndryshme me një dozë vaksine Moderna, sipas medias publike japoneze, NHK.
Qeveria e Okinavas tha në një deklaratë të dielën se po pezullonte përdorimin e vaksinave Moderna pasi ‘substancat e huaja u dalluan në disa prej tyre’.
Takeda Pharmaceutical, shpërndarësi i brendshëm japonez i Moderna, pritet të hetojë nëse ndotja e dyshuar ka ndodhur gjatë prodhimit dhe do të këshillohet me Ministrinë e Shëndetësisë për këtë çështje, raportoi NHK.
Zbulimi vjen vetëm tre ditë pasi Japonia pezulloi përdorimin e më shumë se 1.6 milion dozave Moderna që ishin shpërndarë në 863 qendra vaksinimi në të gjithë vendin. Dozat u tërhoqën përkohësisht nga qarkullimi si masë paraprake pasi materiali i huaj u zbulua në disa shishe. Disa nga dozat thuhet se ishin të ndotura me grimca metalike.
Ndërsa çështja është ende duke u hetuar, Ministria e Shëndetësisë e Japonisë zbuloi të shtunën se dy persona që kishin marrë dozat e tyre të dyta Moderna në fillim të kësaj jave kishin vdekur. Ministria tha se ishte duke hetuar se çfarë i vrau dy viktimat, të dy burra në të 30-at.
