Një raport pretendon se talebanët po përdorin pajisjee e prodhuara nga SHBA-ja për të identifikuar dhe kapur afganët që ndihmuan SHBA-në e aleatët e saj gjatë qëndrimit 20-vjeçar në vendin e shkatërruar nga lufta.
Sipas Zenger News që raporton përmes New York Post:
Nawazuddin Haqqani, një nga komandantët e brigadës mbi njësinë Al Isha, u mburr në një intervistë me Zenger News se njësia e tij po përdor skanerë të dorës të prodhuar nga SHBA për të hyrë në një bazë të dhënash biometrike masive të ndërtuar nga SHBA-ja dhe për të identifikuar çdo person që ndihmoi aleatët e NATO -s ose kanë punuar me inteligjencën indiane.
Afganët që përpiqen të mohojnë ose zvogëlojnë rolin e tyre do ta gjejnë veten të sfiduar nga të dhënat e hollësishme kompjuterike që SHBA la pas në tërheqjen e saj kaotike.
Ekzistenca e njësisë Al Isha nuk është konfirmuar më parë nga talebanët; deri tani Rrjeti Haqqani, një grup terrorist i lidhur me talebanët, nuk e ka pranuar rolin e tij në shënjestrimin e afganëve ose përdorimin e bazës së të dhënave biometrike të madhe të Amerikës.
Qendra Kombëtare Kundër Terrorizmit e Shteteve të Bashkuara i është referuar Rrjetit Haqqani si “grupi kryengritës më vdekjeprurës dhe i sofistikuar që synon forcat amerikane, koalicionin dhe afganët”.
“Tani që Kabuli është marrë, puna operacionale ka rënë në vend të dytë dhe ne e kemi përqendruar fokusin tek kundërzbulimi,” tha Haqqani në një intervistë me Zenger.
“Ndërsa shumica e brigadës tani po pushon në medrese të ndryshme, grupi Al Isha tani është agjencia kryesore që merret me këtë projekt të dhënash biometrike.” – shtoi ai.
“Ne kemi nën kontroll Ministrinë e Brendshme dhe bazën e të dhënave kombëtare biometrike që ata mbanin. Ne kemi të dhënat e të gjithëve -përfshirë gazetarët dhe të ashtuquajturit aëtarë të OJQ-ve të ndryshme. Ne nuk kemi vrarë asnjë gazetar të huaj, apo jo? Ne nuk po arrestojmë as familjet e këtyre njerëzve të cilët janë në listën e zezë,” shtoi ai.
Raporti vjen pasi Politico zbuloi se zyrtarët amerikanë me bazë në Afganistan u dhanë talebanëve një listë me emrat që identifikojnë shtetasit amerikanë dhe aleatët afganë për t’u dhënë atyre hyrje brenda zonës së jashtme të aeroportit të Kabulit.
“Në thelb, ata thjesht i vendosën të gjithë ata afganë në një listë vrasjesh,” tha një zyrtar i mbrojtjes për gazetën. “Është thjesht tmerruese dhe tronditëse dhe të bën të ndihesh i ndyrë.”
