Një kufomë pjesërisht e dekompozuar është gjetur në fshatin Gjepalaj të Shijakut.
Policia dyshon se i përket një personi endacak të seksit mashkull.
Sipas uniformave blu paraprakisht nuk është evidentuar ndonjë shenjë dhune në trup.
“Më datë 30.08.2021, rreth orës 21:45, në Gjepalaj, Shijak, në një parcelë toke, është gjetur një kufomë pjesërisht e dekompozuar, e gjinisë mashkullore, (dyshohet endacak).
Nga këqyrja paraprake e trupit nuk janë konstatuar shenja dhune apo dëmtime të shkaktuara nga armë zjarri.
Grupi hetimor nën Drejtimin e Prokurorisë së Rrethit Gjyqësor Durrës, vijon punën për identifikimin dhe përcaktimin e humbjes së jetës”-njofton policia.
