Udhëheqësit ushtarakë amerikanë e dinin paraprakisht se një ‘ngjarje e madhe me viktima’ ishte planifikuar në aeroportin e Kabulit, zbulon një raport i Politico. Sidoqoftë, rrëfimet nga trupat në terren tregojnë se asgjë masë nuk u mor lidhur me paralajmërimin.
Një shpërthim vetëvrasës jashtë Aeroportit Ndërkombëtar ‘Hamid Karzai’ në Kabul të enjten e kaluar vrau më shumë se 150 njerëz, përfshirë 13 trupa amerikanë. Bombardimi bëri që SHBA-ja të nisë dy sulme me dronë ndaj grupit ISIS-K që dyshohet se qëndron pas sulmeve.
Bombardimi fillestar nuk i befasoi zyrtarët amerikanë. Ambasada amerikane në Kabul kishte paralajmëruar amerikanët që të qëndrojnë larg aeroportit për shkak të ‘kërcënimeve të sigurisë’ dhe disa orë para sulmit vetëvrasës, udhëheqësit e Pentagonit mbajtën një konferencë për t’u përgatitur për një ‘ngjarje të afërt me shumë viktima’, sipas një raporti të Politico të hënën.
Raporti thotë se Sekretari i Mbrojtjes, Lloyd Austin, foli të mërkurën me udhëheqës të lartë të Pentagonit – përfshirë Gjeneral Mark Milley, kryetar i Shtabit të Përgjithshëm të Shtabit, Admiralin Peter Vasely, komandant i forcave amerikane në Afganistan dhe Gjeneral Major Christopher Donahue, komandant i Divizionit të 82-të Ajror në Aeroportin e Kabulit.
Milley paralajmëroi inteligjencën ‘domethënëse’ që tregon se ISIS-K, një degë rajonale e grupit terrorist të Shtetit Islamik (ISIS) po planifikonte një ‘sulm të madh’ në Afganistan e deklaroi se sulmi kishte të ngjarë të ndodhte në Portën Abbey të aeroportit, ku një mori afganësh ishin mbledhur me shpresën për t’u evakuuar nga Afganistani.
Sulmi do të ndodhte brenda 24-48 orëve në vijim, sipas shënimeve nga hollësitë e konferencës për shtyp.
Thuhet se Shtëpia e Bardhë e la në dorë të Sekretarit të Mbrojtjes Austin dhe gjeneralëve që të parandalonin këtë sulm sipas gjykimit të tyre. Në një thirrje të veçantë më pas ata diskutuan mbi presionin e talibanëve për të rritur sigurinë jashtë aeroportit, por përfundimisht kundërshtuan mbylljen e Portës së Abbey, pasi kjo do të parandalonte britanikët që të vijonin me operacionin e evakuimit.
Disa orë pas konferencës, bomba shpërtheu në portën e aeroportit duke shkaktuar qindra viktima e të lënduar. Thuhet se Austin dhe Milley ishin në Shtëpinë e Bardhë në atë kohë, duke u përgatitur për të informuar Presidentin Joe Biden mbi kërcënimin.
Ndërsa artikulli i Politico jep hollësi mbi një përpjekje të furishme por të dështuar për të parandaluar një masakër, rrëfimet nga trupat amerikane në terren në Kabul tregojnë një histori shkujdesjeje.
Trupa të shumtë të vendosura në aeroport i dërguan një mesazh një faqeje biznesi të drejtuar nga veteranët në Instagram, duke pretenduar se kishin marrë paralajmërim për një sulm vetëvrasës, por ishin udhëzuar nga eprorët që të vazhdonin me punën normalisht.
Një tjetër tha se komandantët e tyre kishin informacion të saktë se si dukej sulmuesi vetëvrasës dhe në cilën orë ata do të godisnin
“Gjatë gjithë ditës në radio ishte një numërim mbrapsht,” postoi anëtari i shërbimit.
Këto llogari janë të paverifikuara, por duke u lidhur me artikullin e Politico, tregojnë për një udhëheqje ushtarake tërësisht të paralajmëruar, por të papërgatitur në mënyrë të pashpjegueshme për ditën më vdekjeprurëse për ushtrinë amerikane që nga viti 2011, kur një helikopter CH-47 Chinook që mbante trupa NAVY SEAL të Marinës u rrëzua mbi Afganistanin lindor, duke vrarë 30 amerikanë.
Përgatiti për Hashtag.al, Klodian Manjani
