Policia në Japoni ka arrestuar një person nën dyshimin se ka vjedhur 730 mbathje e sytjena grash nga lavanderitë, pasi një studente 21-vjeçare lajmëroi autoritetet se gjashtë palë të brendshme të saj ishin zhdukur.
Autoritetet në qytetin jugor japonez të Beppu bastisën shtëpinë e 56-vjeçarit Tetsuo Urata në fund të gushtit dhe u thanë mediave se ‘kanë bllokuar një numër të madh mbathjesh e veshje të tjera të brendshme në vite’.
Policia gjeti 730 copë të brendshme femrash gjatë kontrollit, të cilat pasuan akuzat ndaj Tetsuo nga një studente 21-vjeçare e kolegjit. Ajo i tha policisë Tetsuo kishte vjedhur gjashtë palë të brendshme të saj në një lavanderi më 24 gusht.
I akuzuari thuhet se ka pranuar se ka vjedhur sasinë e madhe të të brendshmeve të gjetura në pronën e tij.
