Këshilltari kryesor i Shtëpisë së Bardhë për Covid-19, Anthony Fauci, po përballet me thirrjet për të dhënë dorëheqjen pasi dokumentet e sapo publikuara sugjeruan që agjencia e tij financoi kërkime ‘të rrezikshme’ lidhur me Institutin e Ëuhan në Kinë, pavarësisht mohimeve të mëparshme.
Kërkesat për shkarkimin e këshilltarit shëndetësor vijnë pasi Intercept mori më shumë se 900 faqe materiale në lidhje me hulumtimin e koronavirusit të financuar nga agjencia Fauci-Instituti Kombëtar i Alergjisë dhe Sëmundjeve Infektive (NIAID)-përfshirë kërkesat e papublikuara të granteve nga një organizatë me qendër në SHBA që i kaloi fondet federale Institutit të diskutueshëm të Virologjisë Wuhan (WIV) në Kinë.
Senatori republikan Rand Paul (Kentucky), i cili ka luftuar vazhdimisht me Faucin gjatë gjithë pandemisë Covid-19, njoftoi publikimin e dokumenteve në një postim të së martës, duke thënë se materialet “e bëjnë shumë të qartë se Fauci duhet të mbajë përgjegjësi.
Dokumentet e publikuara nga Intercept tregojnë se organizatës me qendër në SHBA, Aleanca EcoHealth, iu dhanë rreth 3.1 milionë dollarë financim të miratuar nga NIAID e Faucit – më vonë shuma u rrit në 3.7 milionë dollarë në total, sipas të dhënave të tjera qeveritare. Nga ai grant, 599,000 dollarë u dërguan në Institutin e Wuhan, veçanërisht për të financuar punën për ‘identifikimin dhe ndryshimin e koronaviruseve të lakuriqëve të naatës në natyrë që mund të infektojnë njerëzit’, sipas Intercept.
Aplikimi i grantit të firmës pranoi rreziqet e mundshme të paraqitura nga projekti, duke vënë në dukje se ‘puna në terren përfshin rrezik të lartë të ekspozimit ndaj SARS, CoVs ose të tjera koronaviruse ndërsa punoni në shpella me densitet të lartë të lakuriqëve të natës dhe potencialin që pluhuri fekal të thithet’.
Hulumtimi i përbashkët i Aleancës EcoHealth me WIV (Wuhan Institute of Virology) ka ngritur pyetje të tjera në lidhje me punën potencialisht të pasigurt në laboratorin Wuhan. Fauci ka mohuar në mënyrë të përsëritur se agjencia e tij financoi, drejtpërdrejt ose tërthorazi, çdo punë në WIV.
