Dokumentet e siguruara nga Anadolu Agency kanë zbuluar se gjiganti i çimentos ‘Lafarge’ i informonte vazhdimisht agjencitë e inteligjencës franceze për lidhjet e saj me grupin terrorist Daesh/ISIS.
Dokumentet zbuluan se ‘Lafarge’, i cili u akuzua për ‘bashkëpunim në një krim kundër njerëzimit’ për financimin e grupit terrorist Daesh/ISIS për të vepruar në Siri, kishte një marrëdhënie me Daesh/ISIS dhe inteligjenca franceze ishte në dijeni të kësaj.
Dokumentet treguan se agjencitë franceze të inteligjencës përdorën rrjetin e marrëdhënieve të Lafarge, bashkëpunimin e tij me grupet terroriste në Siri dhe takimet për të mbajtur operacionet atje e për të marrë lajme nga rajoni. Ata gjithashtu zbuluan se inteligjenca franceze nuk e paralajmëroi kompaninë se ata po kryenin një krim.
Kompania kërkon mbështetje nga agjencitë franceze të inteligjencës
Sipas dokumenteve zyrtare franceze, marrëdhëniet midis ‘Lafarge’ dhe agjencive të inteligjencës filluan më 22 janar 2014, kur drejtori i sigurisë së kompanisë Jean-Claude Veillard i dërgoi një e-mail drejtorisë së inteligjencës të Ministrisë së Brendshme.
Veillard, me postë, tha se kompania duhet të mbajë marrëdhënie me ‘aktorët vebdas’ për të qenë në gjendje të vazhdojë operacionet e saj në Siri. Duke kujtuar lajmet negative që u shfaqën në media për kompaninë, ai pyeti nëse drejtuesit dhe selia e kompanisë ishin nën kërcënim.
Oficeri i inteligjencës, në përgjigje, i tha Velliard për datën kur ata do të trajtojnë çështjen.
Inteligjenca franceze përfiton nga ‘Lafarge’
Pas diskutimit skandaloz të marrëdhënieve të organizatës ‘Lafarge’ – grupet terroriste në Francë dhe pasqyrimit të çështjes në gjykatë, oficeri i inteligjencës, i koduar AM 02, u paraqit në gjykatë më 18 nëntor 2018.
Sipas regjistrimit të deklaratës, oficeri pranoi se ‘Lafarge’ ishte burimi i tij i informacionit në Siri.
Oficeri i inteligjencës i tha gjykatësit se si shërbimet sekrete franceze përfituan nga fabrika ‘Lafarge’.
Në të dhënat, oficeri i inteligjencës nuk përjashtoi Daesh/ISIS, duke thënë se ‘Lafarge’ dërgoi çimento për të gjitha grupet e armatosura në Siri (përfshirë Frontin al-Nusra) në 2012-2014.
“Ne iu afruam situatës thjesht në mënyrë oportuniste, duke përfituar nga puna e vazhdueshme e ‘Lafarge’,” tha oficeri i inteligjencës në gjykatë.
Inteligjenca franceze e di se ‘Lafarge’ i siguron çimento grupit terrorist Daesh/ISIS
Detajet e dërgimit të çimentos organizatës terroriste Daesh/ISIS u diskutuan në një korrespondencë të 1 shtatorit 2014 midis Veillard, drejtorit të sigurisë së ‘Lafarge’ dhe inteligjencës së Ministrisë së Brendshme Franceze.
Ishte e qartë se shteti francez ishte në dijeni të marrëdhënieve të ‘Lafarge’ me organizatën terroriste në atë kohë, të cilat mund të nxirren nga deklarata e inteligjencës franceze, duke thënë: “A mund të jepni më shumë hollësi në lidhje me çimenton e dhënë ndaj grupit Daesh?”
Disa dokumente të siguruara nga Anadolu Agency tregojnë se ka pasur më shumë se 30 takime mes ‘Lafarge’ dhe shërbimeve franceze të inteligjencës vendase, të huaja dhe ushtarake vetëm gjatë viteve 2013 dhe 2014.
Me çimenton e furnizuar, Daesh/ISIS dihet se ka ndërtuar strehimore të fortifikuara dhe rrjete tunelesh kundër fuqive të Koalicionit të udhëhequr nga SHBA-ja.
‘Lafarge’ i përcolli informacionet në terren inteligjencës franceze
Në përgjigje të akuzave, Veillard dha dëshmi në polici më 30 nëntor 2017. Sipas deklaratës së regjistruar, ai u përpoq të dëshmonte se ai informoi shtetin francez dhe institucionet e inteligjencës për gjithçka që bëri.
Informacioni në lidhje me takimet, kushtet në terren, si dhe spekulimet që drejtori i sigurisë dëgjoi ishin në shtojcat e procesverbalit të deklaratës. U zbulua se Veillard përcolli informacionin në terren në lidhje me përplasjet dhe balancat ushtarake midis grupeve të armatosura. Një shënim i shkruar me dorë nga Veillard, i cili ‘iu dërgua inteligjencës së huaj franceze’ u përfshi gjithashtu në shtojcat.
Fati juridik
Raportet që pretendojnë se ‘Lafarge’ financoi rregullisht Daesh/ISIS gjatë luftës civile siriane u shfaqën në Francë në 2016. Sipas mediave franceze, kompania furnizoi me materiale dhe karburant organizatën terroriste, që ajo të vazhdojë veprimtaritë e saj në rajonin Celibiye të Sirisë.
Në vitin 2017, ndërsa kompania pranoi se kishte bërë pagesa për grupet e armatosura në Siri, ajo mohoi akuzat për ‘bashkëpunim në krimet kundër njerëzimit’.
Pas hetimeve, tetë menaxherë, përfshirë dy oficerë të rangut të lartë, u akuzuan për financimin e terrorizmit dhe bashkëpunim në kryerjen e krimeve kundër njerëzimit. Akuza për ‘bashkëpunim në krimet kundër njerëzimit’ u hoq në nëntor 2019. Në përgjigje, organizatat joqeveritare e çuan çështjen në Gjykatën Supreme Franceze, e cila la në fuqi akuzat kundër Lafarge për ‘financimin e terrorizmit’.
VINI RE: Ky material është pronësi intelektuale e Anadolu Agency
Përgatiti për Hashtag.al, Klodian Manjani
