Një hetim i ri zbuloi se një sulm me dron amerikan në Kabul nuk eliminoi një terrorist të rrezikshëm që drejtonte një makinë që do përdorej për një sulm terrorist, por një punonjës të pafajshëm afgan të punësuar nga një OJQ amerikane dhe fëmijët që erdhën për ta përshëndetur atë.
Versioni zyrtar i Pentagonit tha se sulmi me dron i 29 gushtit kishte në shënjestër një makinë Toyota të bardhë që i përkiste Shtetit Islamik Khorasan (ISIS-K), një grup terrorist që mori përsipër vrasjen e 13 trupave amerikane dhe 170 civilëve afganë në aeroportin e Kabulit ditë më parë. Zyrtarë të shumtë amerikanë pohuan se ‘shpërthimet dytësore’ vërtetuan se makina ishte e mbushur me eksploziv.
Një hetim i New York Times, megjithatë, nuk gjeti gjurmë të shpërthimeve dytësore, vetëm fragmente të një rakete Hellfire që vrau Zemari Ahmadin dhe shtatë fëmijë.
Priza kreu intervista me të mbijetuarit në terren, NYT kontrolloi pamjet e kamerave të sigurisë dhe pamjet satelitore, dhe vendosi gjithçka së bashku në një video 10-minutëshe. Në çdo hap, tregohet se versioni zyrtar i ngjarjeve thjesht është i rremë.
Ahmadi kishte punuar për 14 vjet në ‘Nutrition & Education International’, një OJQ amerikane që krijoi fabrika soje dhe shpërndau ushqim për afganët e kequshqyer. Ai po kalonte një ditë normale më 29 gusht, duke marrë kolegët gjatë rrugës për mëngjes dhe zyrën e OJQ-ve në lagjen Karte Seh të Kabulit.
Ajo që ushtria amerikane interpretoi si një seri lëvizjesh të dyshimta ishte një ditë tipike në jetën e Ahmadit, sipas pesë burrave që ishin në makinë me të, të intervistuar nga një reporter i Times. ‘Paketat e dyshimta’ që ai po ngarkonte në makinë ishin kontejnerë që Ahmadi i kishte mbushur me ujë në zyrë, sepse lagjja e tij nuk kishte ujë.
Kur Ahmadi shkoi në shtëpi, makina u rrethua nga fëmijët e lagjjes. Megjithatë, ekipi i goditjes me dron pretendoi se kishin parë vetëm një mashkull të rritur të pranishëm në vendin e ngjarjes. Më pas një dron MQ-9 Reaper gjuajti një raketë 20 kilogramëshe Hellfire drejt makinës.
Ushtria amerikane pretendoi se shpërthimet e mëdha dytësore vërtetuan se makina ishte në fakt një makinë-bombë që kishte për qëllim të vriste amerikanët në aeroport. Një nga njerëzit që tha kështu është Shefi i Përgjithshëm i Shtabit, Gjeneral Mark Milley.
“Në këtë pikë, ne mendojmë se procedurat u ndoqën në mënyrë korrekte dhe ishte një goditje e drejtë,” u tha Milley gazetarëve më 1 shtator, pasi përfundoi transporti ajror amerikan nga Kabuli.
Vetëm disa ditë para vdekjes së tij, Ahmadi kishte aplikuar për një vizë speciale për të emigruar në SHBA me familjen e tij. Në vend të kësaj, ata u vranë në një sulm me dron që Pentagoni shpalli triumfalisht si vrasjen e një ‘anëtari të ISIS-K’. Mediat lokale dhe talebanët thanë menjëherë se sulmi kishte vrarë civilë. Numri përfundimtar i vdekjeve nga sulmi është tre të rritur dhe shtatë fëmijë.
Një javë pas sulmit, vëllai i vogël i Ahmadit, Emalin, i cili i mbijetoi sulmit sepse ishte jashtë në rrugë dëshmoi për atë që kishte ndodhur. Ai përshkroi momentet e tmerrshme pasi raketa Hellfire goditi oborrin e tyre, duke vrarë disa nga anëtarët e familjes së tij në çast, ndërsa të tjerët humbën jetën më pas nga plagët e rënda.
Duke i quajtur amerikanët ‘mashtrues’ për sugjerimin se vëllai i tij ishte i lidhur disi me ISIS-K, Ahmadi po kërkon një hetim mbi sulmin. Ai thotë se as perëndimorët dhe as autoritetet lokale nuk kanë treguar ndonjë interes për të ekzaminuar vendin e sulmit dhe për të gjetur faktet.
Përgatiti për Hashtag.al, Klodian Manjani
