Sikur Covid-19 të mos mjaftonte, shteti verior i Indisë, Uttar Pradesh, po përballet me një shpërthim të madh të etheve të verdha. Sëmundja tropikale e përhapur nga mushkonjat tashmë ka infektuar pothuajse 600 njerëz dhe ka vrarë dhjetëra prej tyre.
Ethet e verdha përhapen përmes pickimit të mushkonjave, duke shkaktuar skuqje të lëkurës, ethe të larta, dhimbje koke, të vjella dhe dhimbje të muskujve dhe kyçeve. Faza e saj e rëndë mund të jetë vdekjeprurëse, me Organizatën Botërore të Shëndetit (OBSH) që paralajmëron se shkalla e vdekshmërisë së virusit mund të kalojë 20% pa kujdesin e duhur mjekësor.
Një vaksinë kundër etheve të verdha u krijua nga kompania farmaceutike franceze ‘Sanofi Pasteur’ në mesin e viteve 2010 dhe deri tani është miratuar në rreth 20 vende.
Sidoqoftë, vaksina Dengvaxia u jepet vetëm atyre që janë shëruar më parë nga sëmundja, ose popullatave në zonat ku virusi është endemik. Provat e vaksinës zbuluan se ajo rriti shanset për sëmundje më të rëndë tek ata që nuk ishin infektuar kurrë më parë.
