Bashkimi Evropian premton t’u dhurojë 200 milionë doza vaksinash kundër COVID-19-s vendeve me të ardhura të ulëta deri në mesin e vitit 2022.
Presidentja e Komisionit Evropian Ursula von der Leyen e bëri premtimin të mërkurën në Strasburg të Francës gjatë fjalimit të saj vjetor para Parlamentit Evropian.
Zonja Von der Leyen tha se 200 milionë dozat janë krahas atyre të premtuara më parë prej 250 milionë dozash, duke i cilësuar si “një investim për solidaritet dhe në funksion të shëndetit global”.
Ajo tha se “shkalla e padrejtësisë dhe niveli i urgjencës është i dukshëm” në kushtet kur më pak se 1% të të gjitha dozave në nivel global janë injektuar në vendet me të ardhura të ulëta dhe të mesme.
“Le të bëjmë gjithçka të mundshme në mënyrë që të mos kthehet në një pandemi të të pavaksinuarve”, u tha ajo ligjvënësve të BE-së.
