Katër astronautë amatorë janë rikthyer me sukses në Tokë pas tre ditësh në hapësirë. Ata janë skuadra e parë e turistëve që ka udhëtuar rreth orbitëës së Tokës.
Siç shkruan “BBC”, ekuipazhi i “Inspiration4” u nis me një kapsulë të “SpaceX”-it nga Florida ditën e mërkurë dhe zbarkoi në Oqeanin Atlantik pranë brigjeve të Floridës pas orës 19:00 (sipas orës lokale).
Katër parashuta ngadalësuan zbritjen e kapsulës para se të zbriste në ujë, ku anijet e “SpaceX”-it shkuan për ta tërhequr atë.
Ekipi i “Inspiration4” u drejtua nga miliarderi Jared Isaacman, i cili është shef ekzekutiv i firmës e-commerce Shift4 Payments Inc. Ai veproi si “komandant” i misionit.
Isaacman i kishte paguar Elon Musk një shumë të konsiderueshme parash për të katërta vendet në bordin e Crew Dragon, shumë e cila zyrtarisht nuk është zbuluar – por është vlerësuar nga revista Time për rreth 200 milionë dollarë.
Isaacman u bashkua me tre të huaj që ai vetë i kishte zgjedhur – një gjeoshkencëtar dhe ish -kandidat për astronaut të NASA -s, Sian Proctor, 51 vjeç; ndihmësmjeken dhe të mbijetuarën e kancerit të kockave kur ishte fëmijë, Hayley Arceneaux, 29 vjeç; dhe inxhinierin e të dhënave të hapësirës ajrore dhe veteran i Forcave Ajrore Chris Sembroski, 42-vjeç.
“Ishte një udhëtim i mirë për ne.”- tha Isaacman me radio menjëherë pas uljes. “Ne sapo kemi filluar”.
