Kandidati i Socialdemokratëve për kancelar të ardhshëm të Gjermanisë, Olaf Scholz, tha se partia e tij ka marrë një mandat për të formuar një qeveri me të Gjelbrit dhe FDP-në liberale e jo me partnerin e saj të vjetër, bllokun e qendrës së djathtë të Merkelit, CDU/CSU.
“Votuesit kanë folur shumë qartë. Ata thanë se kush duhet të formojë qeverinë e ardhshme,” tha Scholz të hënën.
Ata forcuan tre parti – Social Demokratët, të Gjelbrit dhe FDP [Partia Demokratike e Lirë] – dhe për këtë arsye ky është mandati i qartë që kanë dhënë qytetarët e këtij vendi. Këta të tre duhet të formojnë qeverinë e ardhshme.
Scholz, kandidati i Partisë Social Demokratike (SPD) për të zëvendësuar Angela Merkelin si kancelare, e bëri deklaratën e tij pasi partia doli e para në votimin e së dielës me 25.7%, ndërsa rivali kryesor i saj, qendra e djathtë CDU/CSU, tregoi paraqitjen më të keqe që nga viti 1949 me 24.1% të votave. Partitë kishin qeverisur vendin në një koalicion para zgjedhjeve.
Scholz shtoi se CDU/CSU ‘kanë marrë mesazhin nga qytetarët se ata nuk duhet të jenë më në qeveri, por të shkojnë në opozitë’.
