Një shofer i tërbuar sulmoi me thikë një shofer tjetër ndërsa ishte në një radhë të bllokuar në një stacion karburanti në Londër mes krizës së furnizimit me karburant të Britanisë që ka lënë 90% të pikave të karburanteve bosh në pjesë të vendit.
Të hënën, një video supozohet se tregon një shofer të tërbuar duke tundur atë që dukej se ishte thikë në një pikë karburanti në Welling, Londrën Juglindore.
Ndërsa mbante armën, burri i bërtiti drejtuesit të automjetit tjetër, të cilin e akuzoi se po përpiqej të futej pa radhë.
Pas një shkëmbimi të fortë fjalësh, burri u transportua disa metra nëpër rrugë mbi kofanon e makinës.
Ai pastaj vazhdoi të godiste derën e shoferit me këmbë. Policia mbërriti në vendngjarje dhe nuk gjeti asnjë gjurmë të asnjë automjeti të përfshirë në rrëmujë.
“Asnjë i lënduar nuk u raportua dhe asnjë i dyshuar nuk u identifikua,” tha policia, por shtoi se do të rishikojë pamjet që qarkullojnë në internet ‘si pjesë e hetimeve tona në vazhdim’.
Britania është përfshirë nga një situatë e vështirë pasi përjetoi një sosje të karburantit. Sidoqoftë, të martën, Sekretari i Transportit, Grant Shapps, u tha gazetarëve se situata ishte nën kontroll dhe se gjendja po përmirësohej me shpejtësi.
