Evi Kokalari e gjendur në “foltoren” e Sali Berishës deklaroi se nuk e shoqëron ish-kryeministrin për tu bërë Kryetare partie.
Ajo theksoi se kryetari i PD-së është Berisha ndërsa foli për një dosje të Lulzim Bashës në SHBA e cila mund të jetë arsyeja pse përjashtoi ish-kryeministrin nga Grupi Parlamentar .
“Disa mendojnë që po i rri afër z. Berishës që të bëhem kryetare e PD-së. Por më besoni, duhej shumë mund që të më sillnin mua në Shqipëri pas kaq shumë kohësh. Unë nuk ka nevojë të bëhem kryetare e PD-së sepse ne e kemi kryetarin e PD-së, ai është z. Sali Berisha. Dua të flas pak për dosjen e Lul Bashës që ka ekzistuar në Amerikë edhe Shqipëri. Secili nga ju mund të shkojë te FARA, që është agjencia ku regjistrohen agjentët e huaj, që janë grupet lobiste. Basha nuk kishte Në një periudhë të shkurtër kohe, çfarë më ka bërë përshtypje, është që brenda 3-4 muajsh PD ka paguar 750 mijë dollarë për të lobuar në Amerikë”, u shpreh Kokalari.
“Është shumë. Një pjesë e këtyre parave, sepse Lulzim Basha nuk donte që të merrej vesh në Shqipëri se nga kishin ardhur, vendosi të përdori një kompani me origjinë rusë, që bëri kontratë me një firmë lobimi në Amerikë, sikur ata po bënin një konsulencë për organizatat shqiptaro-amerikane që do investonin në Shqipëri. Kjo është ilegale në Amerikë. Fillimisht kjo nuk doli, por kompania që Lulzim Basha po përdorte në Amerikë pati disa probleme me ligjin. Lulzim Bashës iu hoq e drejta e vizës për 2-3 vjet. Në këtë moment kjo dosje është mbyllur me kushtin që ai të nxirrte nga Grupi Parlamentar Sali Berishën. Me gjithë frikën që Lul Basha ka pasur, se unë mund të bëhesha kryetare e PD-së, do kthehem në Amerikë dhe bashkë me shqiptarë të diasporës do kontrollojmë nëse Basha guxon të futet në Amerikë, që do të thotë ka marrë vizë, ne do e bëjmë problem dhe do ta çojmë këtë dosje në Kongres”, tha ajo.
