Një ish -sekretare e një kampi përqendrimi nazist është arrestuar pasi u përpoq të ikte para gjyqit të saj në Gjermaninë veriore.
Irmgard Furchner, 96 vjeç, do të gjykohej për pjesëmarrje në 11,000 vrasje, por ajo nuk doli dhe gjykatësi lëshoi një urdhër për arrestimin e saj.
E pandehura u arrestua nga policia disa orë pasi u zhduk nga një shtëpi pleqsh në qytetin Quickborn.
Ajo kishte ikur në Hamburg, ku u kap në një rrugë lokale.
Irmgard Furchner duhej të paraqitej në një gjykatë speciale në Itzehoe, një orë me makinë në veri të Hamburgut.
Në vend të kësaj, ajo u largua nga shtëpia e pleqëve midis orës 06:00 dhe 07:20. “Ajo mori një taksi,” tha zëdhënësja e gjykatës Frederike Milhoffer.
Zëdhënësja e gjykatës tha më vonë se e pandehura tani do të dërgohej para gjykatës, i ngritur në sallën e një kompanie logjistike në Itzehoe sepse salla e gjyqit të qytetit nuk është aq e madhe sa të përballojë interesin e medias.
