Një burrë i cili ishte shpallur i zhdukur në Turqi iu bashkua aksidentalisht grupit që po punonte për kërkimin e tij për orë të tëra, para se të kuptonte se ishte ai personi që ata po kërkonin.
Siç shkruan BBC, ngjarja ka ndodhur në provincën turke të Bursa-s. Beyhan Mutlu kishte pirë me miqtë e tij të martën dhe filloi të endej në një pyll në Bursa.
Pasi ai nuk u kthye në shtëpi, gruaja dhe miqtë e tij njoftuan autoritetet lokale dhe një grup kërkimi u dërgua për të punuar për gjetjen e tij.
Në një moment 50-vjeçari u kryqëzua me grupin e kërkimit dhe vendosi të bashkohej me ta për t’i ndihmuar.
Por kur anëtarët e grupit të kërkimit filluan të bërtisnin emrin e tij, ai u përgjigj: “Jam këtu”. Mutlu u mor mënjanë nga një prej punonjësve të shpëtimit për të dhënë një deklaratë.
“Mos më dëno shumë ashpër, oficer. Babai im do të më vrasë.”- thuhet se ai u tha atyre.
Policia pastaj e çoi zotin Mutlu në shtëpi. Sipas BBC, nuk dihet nëse 50-vjeçari ka marrë ndonjë gjobë për këtë.
Bursa’nın İnegöl ilçesinde, Beyhan Mutlu isimli şahıs, kendisi için başlatılan arama çalışmalarını başkası için zannederek saatlerce kendini aradı.
Ekipler, arama çalışmasıyla ilgili tutanak düzenleyip kayıp şahsı evine bıraktılar. pic.twitter.com/yhVaPSh7wY
— Vaziyet (@vaziyetcomtr) September 28, 2021
