Një grua në SHBA ka zbuluar një diamant 4.38-karatësh në Parkun Shtetëror të Arkansasit. Vetëm këtë vit, të paktën 258 diamante janë gjetur nga klientët e ‘Arkitasit Crater of Diamonds State Park’. Pesha e kombinuar e gurëve thuhet se tejkalon 46 karat.
Noreen Wredberg dhe burri i saj, Michael, fituan më shumë se sa kishin bërë Pazar, ndërsa vizituan parkun shtetëror Crater of Diamonds më 23 shtator.
Gjatë udhëtimit të tyre në Qarkun Pike, Arkansas, Wredberg hasi në atë që ajo së pari supozonte se ishte një gur i rëndomtë, i pavlerë.
Sidoqoftë, një inspektim më i afërt nga Superintendenti i Parkut, Caleb Howell, do të zbulonte se guri në fjalë ishte në fakt një diamant i verdhë që peshonte 4.38 karat.
“Unë nuk e dija që ishte një diamant, por ishte i pastër dhe me shkëlqim, kështu që e mora”, tregoi Wredberg.
Politika e parkut lejon klientët të mbajnë atë që gjejnë gjatë vizitës në park, i cili ka regjistruar zbulime të tilla që nga viti 1906.
“Kur pashë për herë të parë këtë diamant nën mikroskop, mendova: Ua, çfarë forme dhe ngjyre e bukur.” – tha Howell për diamantin e verdhë.
Gjetja e Wredberg është diamanti më i madh i regjistruar këtë vit dhe diamanti më i madh i gjetur që kur banori i Arkansas, Kevin Kinard zbuloi një diamant 9.07 karatësh në shtator 2020.
Zbulimi 9-karatësh i Kinard është diamanti i dytë më i madh i regjistruar në historinë e parkut.
Një total prej 75,000 diamantesh janë zbuluar në vend. Sipas faqes së internetit të Arkansas, të paktën 33,000 prej atyre diamanteve u zbuluan nga vizitorët.
