Një i ri është arrestuar nga policia, pasi u kap teksa transportonte klandestinë. Bëhet fjalë për shtetasin me inicialet K.G., 26 vjeç, banues në Kukës.
I riu u kap në rrugën “Vangjel Noti” Laprakë, duke transportuar dy shtetas sirianë të cilët kishin hyrë në mënyrë të rregullt nga aeroporti i Rinasit dhe po tentonin të largoheshin në mënyrë të paligjshme drejt vendeve të BE-së.
Gjithashtu, u shpall në kërkim një 29-vjeçar, i cili dyshohet se është organizator i kësaj veprimtarie kriminale.
DETAJET E POLICISË
Goditet një tjetër rast i dhënies ndihmë për kalim të paligjshëm të kufirit.
Vihet në pranga një 26-vjeçar që u kap në flagrancë duke transportuar 2 shtetas sirianë, të cilëve iu kishin premtuar kalimin drejt vendeve të BE-së, kundrejt pagesës.
Gjithashtu, u shpall në kërkim policor 29-vjeçari, i cili dyshohet se është organizator i kësaj veprimtarie kriminale.
Në vijim të punës për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, nga specialistët për Hetimin e Trafiqeve të Paligjshme në bashkëpunim me Forcën e Posaçme “Shqiponjat”, u arrestua në flagrancë shtetasi:
- G., 26 vjeç, banues në Kukës.
Ky shtetas është kapur në kushtet e flagrancës nga shërbimet e Policisë, në rrugën “Vangjel Noti” Laprakë, duke transportuar dy shtetas sirianë të cilët kishin hyrë në mënyrë të rregullt nga aeroporti i Rinasit dhe po tentonin të largoheshin në mënyrë të paligjshme nga territori i Republikës së Shqipërisë.
Në vijim të veprimeve u bë shpallja në kërkim e shtetasit A. S, 29 vjeç, i cili dyshohet se është organizator i kësaj veprimtarie kriminale.
Materialet i kaluan Prokurorisë pranë Gjykatës së Shkallës së Parë Tiranë, për veprën penale “Ndihma për kalim të paligjshëm të kufijve”, e kryer në bashkëpunim.
