Çmimet evropiane të gazit thyen rekordet e reja të mërkurën, duke u rritur ndjeshëm në mbi 1.900 dollarë për 1.000 metra kub. Kjo është e barabartë me 186 dollarë për megavat-orë në aspektin shtëpiak.
Sipas të dhënave nga Exchange Intercontinental (ICE), çmimi i nëntorit në qendrën TTF në Holandë u rrit në 1,936 dollarë për 1,000 metra kub. Çmimi i gazit në tregun evropian është gati trefishuar që nga fillimi i shtatorit, teksa në tetor kushtonte rreth 730 dollarë për mijë metra kub.
Çmimet e energjisë në Evropë kanë vazhduar të rriten teksa tubat e gazsjellësit Nord Stream 2 nga Rusia në Evropë po mbushen me gaz natyror.
Sipas operatorëve të tubacionit, procedurat janë duke u kryer për të testuar kapacitetin e tubacionit, por dërgesat në kontinent nuk kanë filluar ende. Nord Stream 2 është ende në pritje të autorizimit përfundimtar nga rregullatorët gjermanë për të hapur rubinetat.
