Mjekët filipinas së shpejti mund të futen fshehurazi në shtëpitë e atyre që kundërshtojnë vaksinën Covid-19 për t’i vaksinuar ata në gjumë. Të paktën kjo është ideja e propozuar nga presidenti i vendit.
Qasja joortodokse për rritjen e normave të vaksinimit u mbrojt nga Rodrigo Duterte gjatë fjalimit të tij të fundit ‘Fol me njerëzit’.
“Unë e di që shumë njerëz janë ende në mëdyshje.” – tha presidenti, siç citohet nga media lokale.
“Por gjejini ata në lagjet tuaja. Le të hyjmë në shtëpitë e tyre dhe t’i vaksinojmë ndërsa ata janë në gjumë. Këtu baron historia.”
Presidenti shtoi se ishte gati të drejtonte personalisht bastisjet e shtëpive për të vaksinuar njerëzit me detyrim gjatë natës.
Sugjerimi erdhi ndërsa presidenti i Filipineve po përpiqej të bindte publikun që të bënte vaksinën.
Në të njëjtin program, Duterte mori përgjegjësinë personale për dështimin e qeverisë së tij për të siguruar doza të mjaftueshme për vaksinimin e popullatës, por vuri në dukje se edhe një fushatë e kufizuar kishte zvogëluar përhapjen e sëmundjes.
