Ambasadorët e SHBA-ve, Zvicrës dhe Suedisë në Shqipëri kanë zhvilluar një vizitë në burgun nga koha e diktaturës në Spaç.
Ambasadorja e SHBA-ve Yuri Kim e ka cilësuar burgun e Spaçit dëshmi të tmerrshme të ligësisë së Enver Hoxhës.
Ambasadorja Kim shkruan edhe për dëshminë nga një ish- u burgosur në Spaç mbi torturat që janë përjetuar.
Më tej diplomatja amerikanë thotë se Spaçi duhet të ruhet si një monument për të kujtuar ata që vuajtën.
“Iu bashkova disa Ambasadorëve sot në një vizitë në kampin e burgut politik në Spaç (“Reparti i Riedukimit 303”). Ky vend është dëshmi e qartë dhe e tmerrshme e ligësisë – nuk ka fjalë tjetër përveçse “ligësisë” – së Enver Hoxhës dhe komunizmit. Ish i burgosuri Zenel Drangu, i cili kaloi 18 vjet në Spaç sepse ishte arratisur në Jugosllavi, na tregoi për ashpërsinë e përditshme që u shkaktohej njerëzve aty: rrahjet, puna skllavëruese, nxjerrja në kushte ekstreme të motit, keqinformimi, ngjallja e dyshimeve të ndërsjella, aktet imorale të sadizmit – të gjitha të krijuara për t’i zhveshur njerëzit nga dinjiteti, logjika dhe shpresa. Spaçi duhet të ruhet, në përputhje me statusin e tij si një monument kombëtar shqiptar, për të kujtuar ata që vuajtën, për të nderuar ata që luftuan dhe për të na kujtuar të gjithëve ne se nuk duhet të lejojmë që kjo ligësi të ndodhë më kurrë”. Ambasadorja e Shteteve të Bashkuara Yuri Kim
Falenderime Ambasadorit zviceran Adrian Maître dhe Ambasadores suedeze Elsa Håstad për organizmin e vizitës së sotme të rëndësishme”-shkruan Ambasada amerikanë.
