Policia në Krujë ka goditur një tjetër rast të veprimtarisë kriminale në fushën e narkotikëve. Mësohet se sot një person është arrestuar si rezultat i një aksioni të policisë në fshatin Bret, në Krujë.
Po ashtu është shpallur në kërkim djali 29-vjeçar i të arrestuarit.
Sipas uniformave blu, gjatë kontrollit në banesën e tyre janë gjetur rreth 5 kg lëndë narkotike cannabis sativa.
“Shërbimet e Komisariatit të Policisë Krujë në bashkëpunim me strukturat e DVP Durrës, në vijim të punës për parandalimin dhe goditjen e veprimtarisë kriminale në fushën e narkotikëve, bazuar në informacionet e mara në rrugë operative se 2 shtetas posedonin lëndë narkotike në banesë, kanë organizuar punën dhe kanë ushtruar kontroll në banesën e tyre në fshatin Bret, Krujë.
Gjatë kontrollit të ushtruar, shërbimet e Policisë kanë gjetur dhe sekuestruar në cilësinë e provës materiale rreth 5 kg lëndë narkotike cannabis sativa.
Në vijim të veprimeve u arrestua në flagrancë shtetasi B. K., si dhe u shpall në kërkim shtetasi A. K., 29 vjeç, (baba e bir), banues në Bret, Krujë.
Materialet i kaluan Prokurorisë së Rrethit Gjyqësor Krujë, për veprime të mëtejshme.”- bën me dje Policia.
