Qindra qytetarë janë mbledhur para kryeministrisë për të protestuar kundër vaksinimit më detyrim. Ata kanë akuzuar kryeministrin Rama, ministren Manastirliu e drejtorin e Policisë Nano.
Gjatë fjalës së tyre, disa studentë kanë ironizuar kreun e qeverisë e ministret Manastirliu e Kushi lidhur me kërkesën e tyre për vaksinmin e studentëve për të shmangur përhapjen e virusit. Sipas studentëve, në auditor nuk përhapet virusi më shumë se në stadiume, qendra tregtare e lokale.
“Po më thoni z.Kryeministër se virusi ndodhet vetëm në auditore e jo në lokale, në stadium, në qendrat tregtare. Unë nuk dua të më fusin helm që nuk e di se nga vjen. Jo vaksinë me detyrim. Kemi të bëjmë e shumë efekte anësore të listuara nga EMA, bëhet fjalë për probleme me hemorragjinë, probleme me shumta me zemrën e këto janë të gjitha të listuara. Ka pasur milione efekte anësore e shumë vdekje nga vaksinat.” – thanë disa nga studentët.
Avokati Altin Goxhaj ka paralajmëruar se nëse kryeministri Rama nuk tërheq urdhrin për moslejimi e studentëve të pavaksiuar në auditor atëherë do nisin protestat ditore nga ana e studentëve.
“Çfarë marrëveshjeje ka bërë Edi Rama me shefin e Pfizer-it, Bourla, për t’i kthyer 600 mijë shqiptarë në kavie të kompanisë Pfizer. Nëse nuke tërheq urdhrin atëherë nga e hëna nisin protestat e përditshme.” – tha ndër të tjera Goxhaj.
Përgatiti për Hashtag.al, Klodian Manjani
