Ambasada e Rusisë do jetë pjesë e ekspertizës mbi vdekjen e katër turistëve rusë në një hotel në Qerret. Një çift bashkëshortësh, vajza e tyre e bashkëshorti i saj kishin ardhur në vend të dielën e shkuar bashkë me katër turistë të tjerë rusë.
Ditën e djeshme, ata kanë qenë në Maqedoninë e Veriut, në Ohër e në kthim kanë ndaluar në qytetin e Librazhdit. Në mbrëmje ata kanë ardhur në hotelin në zonën e Qerretit dhe janë futur në sauna duke e porositur punonjësen e hotelit që të mos i shqetësonte njeri, shkruan BW.
Mjedisi raportohet se ka qenë i ajrosur duke qenë se turistët e tjerë nuk kanë pasur shqetësime shëndetësore. Ata u gjetën të vdekur në saunën e hotelit mëngjesin e sotëm e prokuroria ka nisur menjëherë hetimet.
